阿倫籲Shirley現身：沒有解決不了的事

關淑怡（Shirley）昨日在微博透露萌死念，令圈中好友大感震驚和擔心，當中與她相識多年的樂壇校長譚詠麟（阿倫）昨晚在微博呼籲Shirley現身。他聽說Shirley最近不如意，心情極為低落，人不知所終，令所有關心她的人也非常擔憂：「其實人在這世上沒有解決不了的事，只有自己的腳步讓自己走入胡同；請再現身讓你的朋友及愛護你的人一起分憂及解困。」

曾與關淑怡合作的麥浚龍說：「我唔知發生咩事，要了解咗先，暫時唔方便講乜，依家做緊嘢，暫時聯絡唔到佢。」而與關淑怡合作無數的黃偉文，感到十分擔心：「我會叫身邊熟人搵佢，我冇把握搵到佢。一來佢神出鬼沒、二來佢情緒變化大，根本Follow唔到。佢呢刻搵你而冇接聽電話，下一分鐘你電番佢，可能佢已經唔想接你電話，我惟有搵佢身邊工作嘅朋友搵佢，話唔定見到工作有關會接聽。」

而湯寶如說：「當時佢都冇嘢，自殺？諗唔到咁恐怖，可能突然冇人同佢傾偈先諗埋一邊，我諗佢唔會自殺，我會打電話搵吓佢。」黎瑞恩則說：「依家我喺英國出席親友嘅婚禮，唔知關淑怡想自殺喎！唉，總之我只可以講一句，就係『人言可畏』啦！」