Jennifer紋采出眾

女生眼中「靚」的定義位位不同，有人認為白滑肌膚或惹火身材最為誘人，但澳洲新八模成員戴經敏（Jennifer）卻揀做「愛紋身的女孩」，更揚言要紋齊全身才是美！

模特兒視肌膚如命，皆因着靚衫時可盡騷白滑「事業線」及美肌長腿，但鬼妹仔性格的澳洲新八模成員Jennifer卻愛騷另類部位－背部一大幅獨角獸的紋身，她說︰「女仔都鍾意畀最靚嘅一面人睇，好多人都愛騷身材，但我就最滿意自己個紋身。」

目標處處紋

Jennifer原來18歲開始紋身，雖然看來很痛，但她笑言這些痛楚濕濕碎︰「我已經麻木咗！而且要靚就要付出，所以我唔介意。」紋上癮的她還透露早前來港宣傳寫真時，順道於臀部與大腿外側之間紋了一朵玫瑰花︰「今次係我首次來港，為咗紀念所以去咗紋身！聽講香港嘅紋身好靚，所以想試吓。」對新紋身愛不釋手的Jennifer揚言要做個「公仔人」，希望每到一處也可紋身做紀念︰「之後去唔同地方工作，如果可以嘅話都想抽時間去紋身，當係工作記錄。」她不介意整個身體花碌碌，還笑言要穿比堅尼留倩影︰「我覺得着比堅尼去沙灘好靚，應該吸引其他人嘅注意力！」

Profile

姓名：戴經敏（Jennifer Tai）

年齡：21歲

三圍：33C、26、36

簡歷︰澳洲新八模成員，除模特兒工作外亦是運動健將，閒時更經常打拳Keep Fit，今年則推出寫真集攻港。