松岡讚咀得Good

孫耀威在圈中人緣不俗，與他合作的歌手藝人多不勝數，同門師弟Mr.及關楚耀（Kelvin），亦對Eric讚不絕口，Mr.主音Alan說：「老孫份人好Nice，佢個樣好似食咗『防腐劑』咁！我讀緊中學時已經聽佢嘅歌，當年佢已經係『學生王子』，但到依家個樣都冇變，真係好襟老，反而我係一個『小番薯』！我哋都試過喺錄音室夾歌，佢音樂上乜都會試，依家仲自己作歌，不過有時佢返內地做嘢，未必成日見到面。」

而Eric早前邀來性感日模松岡李那，擔任音樂微電影女主角，雖然年紀相差甚遠，但外形頗合襯，兩人在電影中更有咀嘴戲，松岡大讚Eric為人很Nice及Good，與他合作感到相當輕鬆。