半裸Chilam師奶掟菜

張智霖（Chilam）昨日露兩點、披着浴巾在石澳現身，期間遭一班師奶鬧「變態佬」兼被兜臉掟菜，同場的胡杏兒笑言以前與Chilam合作時曾「玉帛相見」，故Chilam今次半裸，亦沒有甚麼大不了。

張智霖昨晨在石澳為《衝上雲霄II》拍一場倒楣戲，需要半裸露兩點上陣，劇情講述Chilam沖涼時突然停水，他只好用毛巾遮着下身行出來，誰料大門反鎖又遇上一群師奶來借電話，混亂之際毛巾甩掉而遭師奶大鬧「變態佬」兼被掟菜。記者取笑其毛巾的圖案是惹火T-back女郎時，他笑說：「條毛巾私伙o架！（正式播時劇情話你甩毛巾後『光脫脫』喎？）導演拍咗多個唔同鏡頭，我咪將短褲褲頭拉低啲、褲腳摺高啲！」

拒操六舊腹肌

問到是否操Fit才拍攝？他說：「特登唔操，盡量唔想有六舊腹肌會真實啲！（露兩點大犧牲？）男人之家有乜所謂，女仔就話唔好啫！」他又指曾在電影中以底褲上陣：「冇乜感覺，可能要全裸我先有感覺。（你唔會啦！）好難講o架！如果有好導演、劇本、對手，我冇所謂！」胡杏兒未能看見Chilam半裸拍攝而被指「走寶」，她笑說：「我見過啦！之前喺《魚躍在花見》有一場戲講我同佢分別扮小龍女同楊過，要玉帛相見添！」

此外，吳卓羲被問到前女友張馨予開記者會澄清沒做「坐枱」時，他表示不回應，他稍後到海南島、台灣、法國等地拍外景可謂相當吃力，他說：「冇辦法，呢套劇我同杏兒、馬國明、吳鎮宇都多戲，所以日日開工都開得好密。（海南島外景會有女演員着泳衣，怕被指（目及）女？）要畀人亂寫都冇辦法。（你有泳褲Look？)唔使，劇情講我要打沙灘排球！着短褲OK o架喇！」