喊住餵奶 文頌嫻多得朋友開解
產後未收身的千嬅情緒欠佳，正在「坐月」的文頌嫻亦自爆因未消腫而失自信，更試過哭着餵奶：「好彩有朋友嚟探我傾吓偈。（老公呵番？）老公都有抑鬱，佢陪我生，出院後病咗一星期！」由於未收身又冇洗頭，好友姚樂怡、關寶慧、鍾麗淇及汪琳日前探望她與囡囡Jamie時，她亦不願上鏡。
至於「陽光媽」何思諺則提議睇書及聽音樂放鬆心情︰「要保持心境開朗，可以睇吓書，尤其係育嬰書。」而郭羨妮則表示做媽咪後更開心：「只係有啲失落同空虛感，始終個肚跟咗我8、9個月！其實日日忙住湊女，都唔得閒唔開心啦！」
張文慈（左起）、汪琳、姚樂怡、關寶慧與鍾麗淇，上門探望文頌嫻的囡囡。
文頌嫻因產後未收身而失自信，情緒受影響。
何思諺提議新任媽咪多聽音樂及看戲。