孖林宥嘉遊泰 鄧紫棋嘗禁果嗌救命

鄧紫棋（G.E.M.）昨日以嘉賓身份出席鞋店活動，穿上四吋高踭鞋的她為免仆倒，步步為營。她大方透露成功申請明年4月的紅館檔期，問到會否請緋聞男友、台灣歌手林宥嘉睇騷？G.E.M.說：「搵吓！（上台合唱？）唔好搞喇！有壓力，咁樣會搶我風頭。」有傳當年開騷時，林宥嘉曾秘密捧場，對此她亦不置可否：「係咩？你哋影到？」早前被本報踢爆與林宥嘉到泰國布吉慶祝生日的G.E.M.，被問到戀情是否升溫？她說：「我冇講過任何嘢，總之去旅行過咗大自然原始生活。（有冇嘗禁果？）救命呀！」

G.E.M.指與林宥嘉合唱有壓力，怕被搶風頭。

G.E.M.着四吋高踭鞋行騷，睇見都牙煙！