練拳減壓 唐貝詩打走負能量

寇鴻萍長女唐貝詩（Lydia）早前因工作關係接觸Boxing，身為初哥的她首次上堂就因為不懂留力，而練至不停喘氣，但她沒有放棄，反而愈打愈起勁，現在更是非打不可，由日間的白領麗人變身夜間打女，發洩工作壓力。

唐貝詩自從成為上班族後，已謝絕夜蒲，公餘時間改為做運動，非常健康。而外表柔弱的Lydia竟然選上Boxing這個劇烈運動，她解釋當初是出於工作需要而試玩：「因為我做網購，乜都要親身試，試過好先介紹畀大家。」Lydia坦言以前對Boxing有偏見，以為是男生專利或是很粗獷的運動，但接觸後發現原來很多健身中心也有Boxing班，坊間亦有不少專門的Boxing中心，而且上堂的女生也很多。

Lydia首次試玩後更即時上癮，她大讚打Boxing好處多：「我覺得好好玩，可以發洩情緒，平時工作壓力咁大，可以有助減壓，而且運動量好大，女仔適合學嚟防狼同減肥。而且可以單打或者兩個人對打，好有互動感覺，完全唔會悶。」

記住要留力

不過，第一次打Boxing的經驗令Lydia十分難忘，她笑言可以作反面教材：「我因為太用力，一開始就不停打，所以好快就冇氣，原本係打一個鐘，但我打咗唔夠半個鐘就斷氣，之後第二、三日都全身酸軟周身痛，我誇張到連咳都痛。不過，咁樣就證明Boxing係全身運動，可以連平時小用嘅肌肉都可以用到，但大家就唔好好似我咁，一開始就用盡全力打，記住要留力呀！」雖然Lydia是Boxing初哥，不過她自認甚有天分：「我一向有玩滑雪，滑雪都好講求身體協調同身手敏捷，我對自己呢兩方面好有信心，反應唔會太慢，所以打拳對我嚟講唔會太難上手，希望可以愈打愈好。」

Lydia's Tips

Lydia每星期大約玩兩至三次，每次一小時，她先會跟教練做些簡單的熱身運動，如拉筋之類，其後就戴上拳套練習出拳或踢腳，不消十五分鐘，Lydia已汗流浹背，她表示練拳時會穿透氣的鬆身衫和短褲，以及自備一瓶水與毛巾，因為練拳會大量出汗，所以補水很重要。

教練Bryan亦提醒初學者要量力而為及留力：「要就住，唔好用晒所有嘅力，記住要預足夠打一個鐘嘅力呀！」他又指Boxing除可以強身健體外，還有助訓練反應及身體協調，並非其他運動可以媲美。

Boxing入屋

拳擊這項運動愈趨普遍，甚至不少電視、電影也以打拳為題材，例如鄭嘉穎與黃浩然主演的劇集《拳王》、吳建豪主演的《少年阿虎》、影后Hilary Swank主演的電影《擊情》等。