出爐港姐冠軍張名雅前晚出席活動時，坦言當選至今仍大感開心，希望日後工作排得密麻麻，並會履行港姐職責，又指其他港姐各有工作安排。提到男友，她表示不會發展新戀情，只會專注工作，亦不覺得當選後追求者增加，但多了Fans。同場的Rosemary透露本月18日生日，但未安排慶祝活動，亦不會要求男友製造驚喜：「我唔使男友同我求婚，我仲想畀多啲時間了解大家，我哋一齊三年，已經一齊住，有老夫老妻嘅感覺。」
張名雅當選港姐冠軍後，一直Keep住興奮狀態。
Rosemary即將生日，心情靚爆。
