Wyman疑接恐嚇 睇定啲先報警

填詞人黃偉文日前在微博自爆收到陌生人的電話短訊，疑遭恐嚇！他昨晚出席活動時坦言很多朋友勸他報案，但他擔心浪費警力。

填詞人兼時裝達人黃偉文（Wyman）昨晚跟名模Jocelyn及老公Anthony、Lisa S.及熊黛林（Lynn）等出席連卡佛《Fashion's Night Out時尚派對》，提到手機收到不明來歷的SMS，寫上「人不犯我，我不犯人。一切入你數，後果自負。」疑遭恐嚇，Wyman表示很多朋友勸他報警：「薛凱琪同藍奕邦都有勸我，但我觀望吓先，唔想浪費警力。平時收到呢啲都係當整蠱，但今次擔心咗15分鐘，我行得正企得正，覺得純粹係惡作劇。」惟對方可能是用「太空卡」，難以追究。

而Wyman於活動前接受本報電話訪問，坦言有回覆該短訊，內容是「How can I help you？（我有甚麼幫到你？）」還透露對方的電話號碼是5字頭：「我今朝九點幾就畀佢整醒！（惡作劇？）唔知！只收咗一個短訊，睇定啲先，唔想咁快報警，浪費警力。王菀之都有叫我報警，驚有人傷害我。」但他表示不會害怕！至於外出會否更小心？他說：「佢係都想攪亂你嘅生活，我唔會畀佢搞到。」

Lynn人月兩團圓

至於Lynn透露中秋節會放假，問到會否約男友郭富城共度佳節？她自言要陪家人，對方亦然，並稱跟家人同慶中秋亦能「人月兩團圓」。至於會否送月餅給男友家人？她說：「冇，但你提醒咗我要送畀朋友！」