JC谷胸豹妹Big爆客串Taylor MV

「警鐘胸」Jessica C.昨日化身谷胸野豹，十分搶鏡！她表示早前於美國試鏡之餘，更為偶像Taylor Swift拍攝MV，令她十分難忘！

昨日Jessica C.（JC）身穿豹紋圖案的低胸短裙出席活動，谷出強勁事業線，令全場窒息，同場的藝員黃浩然、李璧琦及歌手梁佑嘉更冇人望！JC風騷地表示剛從洛杉磯試鏡返港，此行還為美國鄉謠小天后Taylor Swift的新歌《We Have Never Ever Getting Back Together》拍攝MV：「我係小角色啫！Taylor雖然好出名，不過好親民囉！其實我係佢嘅粉絲，見完佢仲鍾意佢！」

JC表示Taylor的新歌講述分手後拒絕復合，問到現實中的她是否同樣決絕？她說：「首歌講出我感受，我會決絕分手！（喺世界各地識新歡？）我係鍾意周遊列國，淨係想識新朋友，男友一個就夠，太多會令我頭痛！」提到其洛杉磯男友時，她澄清二人尚未是情侶，但今趟旅程增加了解：「我哋係親密咗，不過仲測試緊，希望佢會來港了解我多啲！」

黃浩然傷腳做手術

黃浩然透露早前因工作勞損而做了小手術：「我左腳受傷，可能有時拍劇唔夠精神，拍打戲又唔夠熱身，扭到關節都唔知！依家康復緊，不過跪同跑都唔得！（唔可以同個仔玩？）抱都OK！佢得歲半好多地下活動，我都唔理得咁多！」他表示將開拍新劇，幸監製延拍他的打戲。