栢芝補祝霆鋒牛一

自去年離婚後，謝霆鋒及張栢芝（鋒芝）一直維持友好關係，栢芝前日一身紅Look到銅鑼灣為霆鋒揀生日禮物，並於名店逛足半粒鐘，最後揀了男裝手錶及手鏈。

鋒芝雖然做不成夫妻，幸離婚後仍保持良好關係，有指栢芝一直希望與霆鋒復合，連大仔謝振軒（Lucas）亦希望父母破鏡重圓！上月初藉着Lucas 5歲生日，拉攏父母一起同枱食飯，重現一家三口溫馨場面。上周霆鋒32歲牛一，因離港工作而未能與家人慶祝，待返港後才跟父母及兩名兒子補祝。

笑容無聲勝有聲

一直沒有現身的栢芝，前日戴上碎花漁夫帽、穿上紅色格仔衫、紅鞋兼挽着紅手袋獨自現身銅鑼灣行街，並急急走入名錶店。她於店內極速逛了一個圈，並着店員取出一隻男裝手錶研究，之後又埋飾櫃睇手鏈，逗留約半小時，見她笑笑口拿着大袋戰利品步出。意猶未盡的栢芝，隨即到附近的潮店睇衫，不一會又購下大堆戰利品，並Call司機幫手。問到近日是否帶兒子去旅行？會否為霆鋒補祝生日？心情不錯的她笑而不答，最後上車離開。

另一邊廂，昨晨11時半，身穿迷彩風褸的霆鋒離開金鐘寓所，並前往柴灣拍廣告。問到是否與栢芝補祝生日？他說：「梗係唔係啦！」再追問可有收到栢芝送的生日禮物？他邊行邊陰陰嘴笑，還跟栢芝一樣沒有回答便上車走人。