楊柳青遇模界鹹豬手

模特兒Jessica C.師妹楊柳青身兼多職，出道時在工作上曾遇鹹豬手，但現有男友愛錫，難怪早前與周秀娜男友陳偉成傳緋聞，她即強調只屬好友，似向正印派定心丸！

楊柳青（Wiyona）近日與周秀娜男友陳偉成（Avis）因結伴為自家時裝店入貨而傳緋聞，Wiyona對此不怒反笑：「我同佢兩個識咗好多年，係我圈內最好嘅朋友。」更指男友與Avis老友鬼鬼，故不怕緋聞惹誤會，加上抗拒做第三者，故絕不會與Avis擦出愛火。

Wiyona除了兼顧模特兒及時裝店生意外，還為now主持電視節目，結果早前忙出病來，眼睛發炎。問男友有否投訴沒時間見面？她說：「愛一個人，唔需要成日見。」又指當初入行受家人反對：「嗰時爹哋叫我讀書先，加上做模特兒有時會着得少布啲，爹哋唔鍾意個女咁。但我係大家姐，想快啲出嚟搵錢，依家明白讀書好緊要，要無時無刻增值自己。」

不屑「走光」博見報

投身模界近六年的Wiyona坦言曾遇鹹豬手：「試過個Stylist幫我着衫時碰到我一啲部位，我話自己着，佢話天后都係咁畀佢着，可能當時細個唔知呢啲算係一種騷擾，依家會保護自己。」對於不少模經常被拍到走光照？Wiyona直言：「可能係專登博見報。」

Profile

姓名：楊柳青（Wiyona）

三圍：32、24、35

簡歷：曾與周秀娜拍糖果廣告，參加2011 now TV CEO選拔賽，奪得最受歡迎CEO獎。