容祖兒搵Eason以毒攻毒
樂壇天后容祖兒前晚與林峯、林欣彤及陳偉霆開騷，祖兒在台上有感而發地說：「30歲前我係扯線公仔，依家只要自己喜歡，就唔好理其他人，呢個係我30歲後嘅體會，啱就要堅持。」令人想到她與劉浩龍的戀情，祖兒受訪時解釋：「想試就當歷險，套用所有方面都管用。」問到老闆楊受成會否開戲讓她跟劉浩龍合作？祖兒說：「佢開先算，我係票房毒藥，但『票房毒藥』不得不提陳奕迅（Eason），如果佢肯嘅，下年我哋會合作拍戲，實行以毒攻毒！」
此外，內地歌手馬愛媛在微博暗斥某人是爛片及花心影帝，內地傳媒暗指「某人」正是林峯，並傳林峯攬着女方離開夜店時遭拒絕，故斥對方「扮晒嘢」？林峯說：「首先唔好玩我，唔好咩都賴落我度，我都想係影帝，抱歉未聽過佢個名，唔明影帝點解會聯想到我。」談到有指無綫「一人一票」選視帝視后及歌王歌后，他大表贊成，但擔心無綫的伺服器能否應付，但相信公司會從錯誤中學習。
祖兒與舞蹈員勁歌熱舞，觀眾不斷喝采。
林峯贊成「一人一票」選視帝視后。
陳偉霆在音樂會上大晒舞技。