林淑敏勸識病友互撐羅家英四大皆空面對
身為抗癌過來人的藝員林淑敏（Mandy），昨日受訪時大讚達明勇敢：「當時我都係康復番晒先敢講出嚟，佢好叻！」由於病人進行化療期間，身體抵抗力減弱，故要保持樂觀心境：「我覺得唔可以一個人面對呢場仗，除咗有家人朋友支持，不妨識多幾位病友，互相Share點去打仗！例如病人打完化療針，口腔有類似芥辣嘅味道，好多病友話食番茄中和！」
至於好友羅家英在微博表示被報道嚇一跳，並叫老友保重。其後他接受電話訪問時說：「我當時抱住四大皆空嘅佛家思想去面對，現實啲講就係打定輸數，大不了最多係死！如果連死都唔驚，仲有咩關口過唔到？唔係叫佢放棄，我會搵機會同佢傾偈，好好鼓勵佢！」他讚達明為人開朗，希望病情不會影響其心境。
林淑敏建議達明結識病友，大家可以互相守望。
羅家英以佛家思想抗癌，還有汪明荃力撐！