盈盈大肚3個月停工

懷孕近3個月的湯盈盈，拍畢新劇後便「榮休」安胎。準爸爸錢嘉樂承諾擔起養家之責，並會悉心為盈盈按摩小腿！

湯盈盈得悉懷孕前，已接下劇集《老表，你好嘢！》，故頂硬上開工，幸而昨日終於煞科。談及拍攝過程，她說：「曾經拍過一場跣低戲，當時問導演可唔可以用替身，對方唔知乜事，所以拒絕咗，其實台前幕後都好錫我。」盈盈表示稍後會返內地公幹一天，然後專心待嫁及待產，其母下月亦會返港探望她：「依家錢嘉樂有幫我按摩小腿，因為有抽筋呀！」

唔記得戴「套」

另一邊廂，錢嘉樂昨日出席活動，與公公婆婆整餅，他邊戴手套邊笑說：「我上次『整餅』唔記得戴呀，安全啲好！」令全場忍俊不禁。剛從青島踢波返港的他透露，獲好友包括吳毅將及莫少聰等祝福：「嗰種開心前所未有，早幾日去照超聲波，聽到（BB）心跳感覺難以形容。依家諗住11月擺酒囉，淨係寫名都寫到攰，請漏一個都死得好慘！」因嘉樂和盈盈在泰國拍攝獎門人節目時撻着，加上在蘇梅島求婚兼「一擊即中」，故兩人獲泰國旅遊局邀請往當地度蜜月或搞結婚派對，因此嘉樂打算結婚前請曾志偉等好友齊齊去玩一次。至於婚禮亦獲不少贊助商招手，但因不想變得太商業，故會認真考慮。