歌手孫耀威昨日以nowTV全力支持的「甘霖．援急基金」計劃大使身份出席活動，他透露近日被母親狂「餵」中藥補身：「可能媽咪恨抱孫啦！（幾時結婚？）忙埋呢兩年先，順其自然！我會為小朋友而結婚，不過唔會奉子成婚！（媽咪擔心你力有不逮？）我好精壯喎！早排佢煲鹿鞭湯，飲完我都流晒鼻血，唔使補咁多亦唔使搞咁多嘢，我怕勁過頭！」
孫耀威（左）與何麗全出席活動，分享助人心得。
