鄧萃雯前日在跑馬地頻撲睇傢俬和燈飾，未知是否近年狂賺「人仔」，密謀換大屋。前日傍晚6時，身穿恤衫、短裙襯平底鞋的她，在一名女士陪同下在傢俬店試完梳化又睇餐枱。直至發現記者後，雯女即戴上黑超遮素顏，更手指指兼揮手示意。其後，雯女轉戰燈飾店，不停抬高頭揀心水靚燈，並向售貨員詢問意見，更拿起目錄慢慢睇。記者上前問是否買了新屋，她笑笑口說：「睇吓啫！」之後登上停泊在路邊的座駕匆匆離開。
鄧萃雯頻撲睇燈飾，似為換大屋作準備。
