張可頤有老外追求
張可頤昨日出席《多啦A夢誕生前一百年生日會》時表示，今年已拍了兩部內地劇，正休息中，繼後便開拍城電的新劇。談到城電新劇不知何時播出，她說：「演員嘅命運不嬲都係咁，我係勤勞嘅小蜜蜂，拍完唔理啦！」其主演的無綫劇《天梯》將出街，可頤不介意幫無綫宣傳，問到會否覺得身份尷尬？她笑言這個世界沒有永遠敵人。談到感情生活，可頤即甜笑，至於是否很多人追？她說：「咁又唔係，多冇用，精咪得囉！（有好精嘅人追緊？）都可以咁講。（內地人？）老外呀！」她自爆讀書時曾跟外國人拍拖，但不會閃婚，一切講緣分。
