Bosco遲啲先講復合

黃宗澤(Bosco)昨日為無綫新劇《好心作怪》試造型,自胡杏兒宣布分手後,他一直在台灣及日本拍劇,直至前晚才返港。消瘦不少的Bosco,強調並非如傳聞所指驟跌20多磅,亦不是為情消瘦:「之前Keep Fit嘛,成日都肥肥瘦瘦,我有做運動。(想忘記唔開心嘅嘢?)淨係為健康。」

Bosco指現時與杏兒仍是鄰居,返港雖沒有通知對方,但不介意與她合作或在電視城碰面:「情侶檔冇問題,撞到都唔會面左左,依家係朋友,見到都會打招呼。(想唔想拍拖?)聽天由命。(氹番杏兒?)遲啲先講。」他又避談杏兒不在身邊有否不習慣:「環境就有唔慣,鹿兒島鄉下地方,電話都收唔到。」並稱支持一人一票選視帝視后。此外,Bosco和鄧麗欣早前為電影《等.我愛你》拍攝海報,該片監製黃柏高前來探班。

Bosco表示不介意與杏兒合作拍劇。

Bosco拍攝電影海報時,獲黃柏高探班。