Mia Lee「煲冬瓜」吸金

自言語言天分不高的澳洲新八模成員李笑沅（Mia Lee），為圓明星夢和攻入內地市場，早前努力學習「煲冬瓜」普通話，卻因「Timing唔啱」而失去開拓內地市場的機會，令她大感可惜！

澳洲新八模的一眾「過江龍」成員，除了講得一口流利英語外，不少成員的廣東話和普通話亦說得不錯，其中樣子甜美的李笑沅普通話更是「Lok Lok聲」，閒時充當其他成員的普通話導師，但她自言語言天分不高︰「學咗好耐先有咁嘅成績，但仲可以進步！」

雖然較別人多花一倍時間學習，但為了一圓入娛樂圈的夢想，Mia堅持學到底，她笑說︰「定咗目標我點都要做到！」原來她有意攻內地市場，更希望可以學定外語走天涯，衝出澳洲開展事業，她說︰「我唔想只喺澳洲做Model，見到唔少藝人都去內地工作，我都想試吓，去唔同嘅地方做嘢搵錢。」

曾錯失良機

萬事俱備，只欠機會，而這個闖內地吸金的機會亦於早前出現，她透露有片商找她到內地拍戲︰「之前喺香港宣傳寫真時，有片商搵我拍一套時裝愛情片，好開心！」但這個機會最終不屬於Mia，她說︰「宣傳完寫真要返澳洲完成剩低嘅幾個月學業，所以當時推咗，都幾可惜！」

Profile

姓名：李笑沅（Mia Lee）

年齡：23歲

三圍：34B、24、36

簡歷︰在澳洲任模特兒多年，因樣子甜美成為當地人氣女模，其後被挑選加入「澳洲新八模」，並於今年攻港推出處女寫真。