樂基兒收完遊艇九唔搭八
久未公開露面的名模樂基兒（Gaile），昨日與蔡卓妍（阿Sa）、泳兒及詩雅出席開幕活動，現場有男子向Gaile大叫「我愛你」，Gaile亦大方跟他握手。Gaile表示早前到了美國、台灣及菲律賓，但不肯透露詳情。對於有指老公黎明送了名車及遊艇賀生日，她不置可否：「呢啲係Gossip！（係咪真？）好難答！（係咪收咗唔想講？）係啦！收咗唔想講！」記者笑Gaile可隨時出海，亂了陣腳的她竟說：「依家好凍，立咗冬！」至於有傳與黎明婚變及有孕，她風騷地說：「時間可以證明！」
樂基兒心情靚爆，更大方與示愛男子握手。
蔡卓妍（左）及詩雅均悉心打扮，各具味道。
泳兒（左）與樂基兒同樣低胸示人。