峯女郎冇偈傾

吳千語及陳嘉桓這兩位林峯的緋聞女友，前晚同場出席婚紗騷，並被安排同枱而坐。二人雖然有緣，但記者要求合照時，卻異口同聲拒絕。

林峯緋聞女友吳千語分別出席昨日的《Baby Mini─模2012秋/冬時裝表演@海港城》活動，以及前晚舉行的何國鉦婚紗騷。她前晚更與林峯另一緋聞女友陳嘉桓（Rose）同場，雖同枱而坐，卻拒絕合照。

同圈外男友玩完

吳千語透露曾與Rose出席活動：「之前都見過，大家都有自我介紹！（尷尬？）唔會！」她表示現在與林峯拍新戲，兩人並非飾演情侶亦沒有親熱戲：「有對手戲！（唔演情侶可惜？）唔會！」提到有指林峯鍾情內地爆乳女，她即緊張得口窒窒：「你要問番佢！（所以對你冇意思？）可能係！我唔知佢有咩擇偶條件，但鍾意一個人唔係睇外表，咁會好膚淺。（你話林峯膚淺？）人人觀點唔同。」對於有報道指她為挽留林峯而狠撇圈外男友，並跟同公司的女藝人盛君齊向林峯獻殷勤，吳千語說：「當故事睇！（識盛君？）同佢第一次合作，已經交換咗電話。」她承認與圈外男友分手：「拍拖要花好多心機，想專注工作！」

而陳嘉桓自言第一次行騷亦是穿婚紗，且是同一地方：「唔經唔覺已經入咗行幾年！」提到台灣淫照事件，她表示戥受害者慘：「會叫身邊人小心！自己好少去夜蒲。（有冇被邀請影淫照？）冇亦都唔會影！因為太冇美感，肢體語言唔啱我！」