周家蔚親證佗龍仔

洪天明太太周家蔚（Janet）早前宣布有喜，昨日出席活動時更親證佗「龍仔」。日前她相約好友梁靖琪（Toby）為BB買衫，主攻藍色貨品。

周家蔚懷孕四個多月，昨日穿鬆身衫出席活動時透露已照超聲波，證實BB是「龍仔」：「BB張開腳睇得好清楚係仔，其實我鍾意女，所以出年初生完，就同天明約定年底再試追女，我想順產，依家學緊瑜伽，仲Book埋床位。」她透露BB英文名為TJ，T代表係天明，J則代表其英文名Janet，中文名則由「爺爺」洪金寶負責。

Toby頻畀意見

而為迎接新生命，日前Janet已偕好友Toby四出為BB置裝。Janet當日穿上白色低V恤衫配短褲，身形變得圓潤豐滿，看似比之前重了逾十磅，但步履輕盈。甫到商場，她即箭步走進BB用品店，專向B仔衫埋手，並主攻藍色系列。

除了與Toby交流意見，Janet又不時將BB衫拎上手及湊近臉龐試質感，「面試」後卻一味傻笑，她還不忘為剛誕囡囡的好友文頌嫻揀B女衫。逛完一輪，Janet頻叫肚餓，與Toby在餐廳駐足看餐牌後，可能不合胃口，遂轉往麵包店，Janet買麵包後邊行邊食，隔半小時後，她走到咖啡店時又忍不住口，繼續覓食。