劉明軒千里尋「王子病貴婦」
有線主播劉明軒（Vivian）於年半前榮升狗主，更一口氣買下三頭小狗，分別是玩具貴婦狗Coffee、波形松鼠狗波波及約瑟Goldy。Vivian笑言當年一心物色可愛貴婦狗，走遍港九新界的寵物店均無所獲，最後膽粗粗上網找賣家，又到狗場「睇辦」：「媽咪唔使三十秒就睇中咗波波，攬住唔肯放，我就睇中Coffee同Goldy。之後都有掙扎究竟照唔照顧到三隻咁多，商量咗個幾星期後，大家都覺得揀得嘅就係緣分。」
談到三隻愛犬，Vivian坦言各有特色：「Coffee有王子病，又揀飲擇食，但就好可愛！波波頭半年好惡死，會咬人，爹哋都怕咗佢，亦唔敢帶佢出街，媽咪因為咁好內疚，覺得揀咗佢返嚟好似令佢冇咗自由咁，所以好錫佢，可能咁樣感染咗佢，佢依家好溫馴，有時仲會追住其他狗玩添。至於Goldy就好鍾意撲向我，成日抓爛我啲絲襪，搞到我依家要跳上床換衫。」
劉明軒對波波（左起）、Coffee及Goldy寵愛有加。
鍾情貴婦狗的劉明軒，第一眼見到Coffee即愛不釋手！