周奕瑋自駕遊泰國歎茶中伏
無綫娛樂新聞台主播周奕瑋（Jarvis）甚有「旅遊命」，年中經常飛來飛去出席各大小影展，最近他與一眾友人遠赴泰國華欣度假。選擇自駕遊的他不時迷失方向，不知身在何方，但在誤打誤撞下，卻體驗到泰國人的地道生活：「試過去咗個市場，試食咗好多地道食品，兩個半就食到一碗平靚正嘅麵，但如果你叫我再去，我驚搵唔番囉！」
今次一行多人前往參觀地道酒莊，不勝酒力的他更貪玩「破戒」，最搞笑的是當地有用葡萄葉製成的消脂茶提供，結果卻令Jarvis苦不堪言：「諗住試吓冇蝕底啦，點知好難飲，後尾先知人哋要加糖先好飲嘅，好蠢呀！」此外，Jarvis於跳蚤市場內找到一個夏威夷小結他，並花了半小時學習，結果成功彈出Jason Mraz的《I'm yours》，令他非常滿足！
參觀泰國酒莊的周奕瑋，在葡萄藤堆中跳起留影。
周奕瑋花了半小時學彈夏威夷小結他，並成功彈奏一曲。
經常四出旅遊的周奕瑋，大大擴闊了人生閱歷。