JJ發愛的宣言

無綫藝員胡杏兒、賈曉晨及苟芸慧合作拍劇，情路上同樣迂迴！不過賈曉晨愛得義無反顧，昨日更向樊少皇發表愛的宣言！

胡杏兒、賈曉晨（JJ）及苟芸慧昨日於深水埗宣傳《怒火街頭2》，向市民大派蛋撻。近日因戀上「有家室」的樊少皇而成為焦點的JJ，昨日突然高調發表愛得宣言：「佢冇呃過我、冇結過婚，嗰時佢仲細（指同居生仔），愛一個人要包容同支持！（你好愛佢？）如果唔愛，依家唔使咁辛苦啦！（你仲係佢女友？）總之冇分過手！」她前晚更坦承與樊少皇拍拖1個月，欣賞他純真，且不介意他將大部分收入交給前女友作生活費。

提到樊少皇有一對子女，JJ表示未曾見面：「我第一次遇上呢種情況！被揭發時有一下子接受唔到！（心力交瘁？）要小心講嘢，每個字都要講得好清楚，免麻煩！」她表示每次談戀愛都會以結婚為大前提，每日都與男友保持聯絡。

苟芸慧畀媽咪(目及)實

至於胡杏兒談到與拍檔遭遇相若，即面露尷尬之色，但又不忘同情苟芸慧：「佢純過蒸餾水！互相鼓勵同扶持啦！」而苟芸慧昨日心情明顯平復，並透露媽咪10月返港：「希望佢留喺度觀察我，住到放心先走！」此外，最近內地有消息指黃宗澤因搭上內地女模江伊涵才撇杏兒，江伊涵在微博上載鑽戒相：「有你很幸福！」不少網民鬧爆她「抽水」，黃宗澤昨日回覆本報：「唔好玩啦！個名聽都未聽過！」