Kay赴美演音樂劇
歌手謝安琪（Kay）、鍾嘉欣和鄧紫棋（G.E.M.）等前晚到會展出席音樂會，Kay透露將赴美國演出一套慈善音樂劇：「劇團請咗世界各地歌手一齊演出，好榮幸自己係亞洲區唯一代表。」因排練需時，她稱要留美近一個月，希望囝囝張瞻有機會探班：「佢依家學識好多英文，可以自己過海關同叫飛機餐。」
鍾嘉欣被問到好友賈曉晨（JJ）與樊少皇的緋聞，她說：「我認識嘅JJ，係個好乖、好簡單嘅女仔，對感情好投入，希望佢可以搵到個適合佢嘅男仔。」日前她曾以短訊問候JJ。而G.E.M.剛在台灣拍畢新歌MV，並跟男主角有親密鏡頭：「我嘅底線係錫額頭，其他程度接受唔到，會面紅！」
Kay將赴美演音樂劇，希望囝囝能越洋探班。