莫文蔚自誇歌喉：老公聽到喊
歌手莫文蔚（Karen）昨日戴上價值千五萬元珠寶出席周大福活動，艷光四射，她透露早前車禍被車撞到Pat Pat有瘀血，因放血後即時開工，仍未復原，故要再放多一次，她說：「早前再放咗百幾cc，今次好乖，留咗喺屋企三日，好似坐監。」她指外籍老公因不在港，故未能趁休息期間努力造人。問到其夫會否禁止她再拍動作片？Karen說：「冇，總之就唔好咁搏，身體行先。」歌影兩忙的Karen透露，兩個月後將推出英文Jazz唱片，一圓童年夢想：「會去唔同地方宣傳，同參加Jazz音樂節。未來一年會好忙，老公都戥我開心，因為做到自己嘅夢想。（佢有冇聽過？）佢聽到喊，因為太好聽。我會重唱一啲好經典嘅Jazz名曲，係廿幾年前聽過嘅。」
另外，問到前男友馮德倫與舒淇傳拍拖，Karen表示與馮德倫間中仍有聯絡，但未聽過拍拖一事。
Karen透露將推出英文唱片，一圓童夢。