日本Hit爆髮捲 羅泳嫻唔怕辣手

曾赴日本讀美容大學的無綫藝員羅泳嫻(Iva),經常四圍搜羅新奇的美容及整頭髮用品,最近她又有新發現,就是在日本少女間相當流行的「至潮熱髮捲」!她於兩個月前在日本購買,幾次都賣斷貨,價錢約一千多港元,香港暫時未有售賣,它跟市面上普通捲髮器最大的分別就是不會燙傷手,Iva說:「好多唔係好識用呢類捲髮器嘅女仔好易會辣親手,呢一個成把梳形咁,只要拎住膠手柄就好安全!」

Iva親自示範用這個髮捲的正確手勢:「只要好似平時吹頭咁,喺想要整嘅頭髮度捲入去,維持一陣,就會做到蓬鬆嘅效果,就算前蔭都可以做到呢個效果,只要將前蔭向內捲就可以,好多女仔嫌自己個頭好塌、好貼,呢個髮捲可以增加立體感,令頭髮睇落更加輕盈!」

羅泳嫻輕易為普通直髮營造出多個層次。

羅泳嫻示範如何用髮捲。