泳兒女拳 狂踢沙包Kick走拜拜肉

別看女歌手泳兒身形的骰，但原來相當「打」得，她迷上Kick Boxing，拳拳到肉，腳腳有勁，她認為打拳可極速消脂瘦身，趕走「拜拜肉」，難怪她打拳打上癮。

英皇歌手泳兒除歌精舞勁外，亦是運動健將，除了跑步健身，她對Kick Boxing亦情有獨鍾。別看泳兒性格溫文、身形的骰，原來她是樂壇「女拳」之一。泳兒玩Kick Boxing時間不算長，但勝在好學兼柔韌度高，學起來也容易上手。

日前泳兒在型男教練James的指導下練拳，她先做俯臥撐、前後跑等熱身動作，她表示Kick Boxing除講究姿勢外，亦很注重協調，並非一味大力出拳踢腿便算正宗，還要懂得如何運用腰部及腹部的力量。

扭腰最難

完成熱身後，泳兒開始練拳，她使勁地出拳，直拳、側拳、衝力膝撞及踢腿等動作都虎虎生風，其後還出力踢沙包，勁度十足，期間James指導泳兒不要拗腰，並收緊腹肌，而出拳時腰部和手需協調。事後泳兒說：「我密集式學咗半年，最高難度都係扭腰，唔可以用死力，起腳時同樣唔好只係隻腳用力，一定要配合埋條腰，太多腳力會令雙腿變粗。」問到最強必殺技是甚麼？她笑說：「右腳夠力，左腳踢得比較高。」問到會否叫男友一齊練拳，她說：「唔會啦！佢鍾意打籃球多啲！」談到練拳後身形消瘦了不少，她說：「因為係帶氧運動，尤其對瘦腰好有幫助，但消耗體力較大。（打拳粗魯？）唔會呀！我又唔係打交，只係旨在瘦身消脂。」

協調才是王道

Kick Boxing是全身運動，除手腳外，還要靠腰、腿及腹部等力量，當中講究協調，出拳主要鍛煉雙手肌肉及增強爆發力，趕走「拜拜肉」之餘，亦可收緊手部線條，難怪不少女生近年迷上了這項收身運動。