型男變住家男 吳彥祖踎舖吸塵
吳彥祖近日在港拍戲兼積極實踐造人計劃，更充當廿四孝住家男人清潔家居，早前他到電器店親自挑選吸塵機，即場試用兼火速拍板！
近日留港拍戲的吳彥祖，每當有空檔便約朋友敍舊，今次難得有時間，更決心清潔家居！日前他放下一貫型男打扮，以平民Look行街街，穿T恤、格仔短褲襯波鞋的他現身中環，完全沒有明星架子！
店員殷勤招待
當日中午時分，吳彥祖由司機駕車送往中環萬邦行，抵達後，他即火速下車步入豐澤揀選電器，雖然他打扮樸實，但星味不減，依然吸引大批途人目光！
吳彥祖在店內走了一圈，獲售貨員殷勤招待，當他走到吸塵機專櫃時，隨即停下，細心聽店員講解，並極速揀到心頭好，售貨員即把該部吸塵機放在地上，他亦興致勃勃拿起研究，亦不介意在眾目睽睽下蹲下試機，試完一輪，見功能合心水，隨即拍板買下，全程僅花了十數分鐘，認真爽快！買完戰利品，吳彥祖即快步離開，登上私家車走人。
睇中合心水的吸塵機，吳彥祖即時踎低慢慢試。
吳彥祖穿上T恤襯格仔短褲，不失星味。
吳彥祖做住家男人，老婆Lisa S.想必開心晒！（資料圖片）