羅鈞滿遊捷克踏足「禁地」
無綫藝人羅鈞滿（Moon）早前與無綫新聞主播女友張文采，雙雙飛往捷克參加姊姊的婚禮，他說：「我姐夫係捷克人，同屋企人過去捷克參加佢哋嘅婚禮，姐夫媽咪仲親自下廚宴客，場面好Warm！」Moon坦言羨慕當地的居住環境，風景靚到爆：「人口密度又低！家家戶戶都有一個大花園，我就喺姐夫個果園摘車厘子同士多啤梨，真係好正！」
另外，Moon此行竟有幸參觀當地的市長辦公室會議廳，他說：「我姐夫嘅同學係當地Nachod市嘅市長，所以有幸參觀市長會議廳，平時係唔會對外開放！」回顧此行，Moon最難忘是晚上由捷克駕車往德國：「我哋足足揸咗五個鐘頭，仲要冇乜街燈！最搞笑係當地竟然冇邊境，完全唔需要出示證件或辦手續就安然過境！」
羅鈞滿在親人的果園即摘即食，享受自然生活。
面對大片綠油油的風景，令羅鈞滿樂而忘返。
羅鈞滿有幸參觀市長辦公室，當然要盛裝出席！