苟芸慧翻撻No Way

「女神」苟芸慧最近被指經常出入前男友羅天宇母親的家，因而有傳兩人舊情復熾，昨日苟姑娘出席新劇祝捷會時斷言沒可能，「翻撻」似乎要Hold住先。

近期新聞多多的苟芸慧，繼與鄭嘉穎傳緋聞後，又被指「翻撻」前男友羅天宇。苟姑娘昨日與胡杏兒、曹永廉、麥長青和岑麗香等在將軍澳電視城為劇集《怒火街頭2》祝捷。問到「復合」一事，苟姑娘說：「依家冇可能！當初分手大家都係想專心工作，所以點會呢！我有問過佢，佢話冇講過復合呢樣嘢！」並解釋羅天宇母親是她契媽，故不時會到他們的家飲湯，但沒有過夜，現時單身獨居。由於花邊新聞不斷，苟姑娘怕父母擔心，故主動致電解畫：「我同佢哋講，你哋個女冇學壞到！」

杏兒被鎮宇鬧出頭

此外，對於吳鎮宇最近為新劇《衝上雲霄II》開工時大發雷霆，同劇的杏兒說：「暫時都未同佢開工，藝術家情緒係有啲起伏，佢對事不對人嘅，當年我哋成班冇經驗，佢都會鬧o架！不過係為我哋好，冇佢我都冇今日啦！佢都算係我第一個師傅，依家仲畀佢鬧就死囉！」另外，《怒火2》於倫奧過後收視回升，截至星期四平均收視達32點，最高更錄得39點。