Kelly半封肚暫時停「產」
陳慧琳（Kelly）昨日出席開幕活動時透露，大仔「蝦餃仔」將讀幼稚園，談及會否和李嘉欣一樣太掛念孩子而抑鬱，她說：「咁又冇，但我明佢意思。」她又透露出埠時老公會傳兩個囝囝的短片給她，問到是否裸照？她笑說：「冇影，肉照就有！（影樓影全家福？）我想，但爹哋（老公）應該唔想，男人怕影相！（着婚紗影？）已經着唔落件婚紗，要再做過！」至於會否跟嘉欣一樣封肚？她說：「封咗半，呢個時刻，過幾年就唔知。」另外，她表示將錄製新歌《點心》，當中提及包括蝦餃及小籠包。另外，問到同場的汪圓圓是否恨嫁，她說：「女仔見到婚紗都會有呢個諗法！（逼婚？）唔會，不如喺活動你哋問佢（男友蔡加讚）啦！」
心情大靚的Kelly透露，「蝦餃仔」將讀幼稚園。
汪圓圓見到婚紗有結婚衝動。