湯洛雯雞手鴨腳 「舞」失威
十位候選港姐昨日在電視城為下周舉行的決賽練舞，又請來為她們排舞的星級排舞師Sunny Wong驗收「成果」，眾人表現參差，站在最前排的湯洛雯及林泳淘均表現麻麻，前者雞手鴨腳，後者則多次甩Beat！湯洛雯自言沒有舞蹈底子，但有信心能於決賽前練好舞步：「我會畀心機，啲舞都幾難。（怕失分？）應該都OK，依家都係啱啱學啫！」
而同樣表現失色的朱千雪力撐自己冇甩Beat：「我覺得自己唔係跳得好差。（返屋企練？）嚟梗嘅日子都會排舞，因為屋企冇大鏡，所以未必練到！」最後Sunny選出表現最好的三名佳麗分別為張鈞美、黃心穎及張名雅。「舞出色」的張名雅指自己曾學過跳舞，回家亦有練習。另外，早前被Foul的佳麗鍾麗及陳華鑫等前日應邀擔任比賽頒獎嘉賓。
湯洛雯雖然表現麻麻，但承諾會畀心機練好舞步。
張鈞美（左起）、黃心穎及張名雅被點名讚舞技最出色。