林峯「孤寒」唔送碟

歌手林峯昨日舉行新碟發布會，雖然他拒絕送碟給緋聞女友吳千語，但就不介意邀請對方欣賞明年舉行的演唱會。

林峯昨日為新碟舉行發布會，英皇高層吳雨及無綫高層樂易玲亦有現身支持，但吳雨大哥在台上大爆林峯遲到：「第一次同樂小姐見林峯時佢遲到，冇Chok樣，得濕樣（當時下雨），嗰陣覺得簽唔簽都罷！」

前輩有份

問到會否送碟給緋聞女友吳千語及劉羽琦等時，林峯表示如同輩支持他會自己買，而他只送給前輩及同事。再問會否邀請吳千語欣賞明年的個唱時，他大方地說：「應該會嚟睇，因為依家同吳千語拍緊嘢，個唱歡迎入嚟睇嘅人，同事、朋友都會邀請。」提到常被拍到與女生外出，問到會否避忌點時，林峯說：「唔可以刻意，當宣傳囉！唔好太過分，無傷大雅。（如有戀情會公開？）唔會刻意隱瞞！」

另外，本報收到可靠消息，據知明日舉行的《2012勁歌金曲優秀選第二回》頒發的14首歌曲獎中，英皇旗下歌手佔6個席位，包括林峯的歌曲《頑石》。至於與無綫關係友好的星煥亦奪4獎，而鄧紫棋及關心妍等亦佔一席位。