警花Viann重裝上陣失晒暈飛甩棍

梁慧恩婚後首度復出拍劇，並第一次飾演女警角色，拍攝期間烏龍百出，曾試過跣手把一支警棍飛出鏡頭，十足十拍笑片！

主持兼藝人梁慧恩（Viann）早前拍攝婚後首個劇集《監警有道》，並飾演女警，首次演警察角色的她，拍攝期間似足搞笑電影《新紮師妹》電視版一樣，烏龍百出！Viann說：「我着起警服，見到腰帶上有個好似散紙包嘅袋，就將個袋轉咗去腰帶後面，點知啲工作人員見到就話畀我知，原來嗰個係子彈匣，一定要放喺皮帶扣嘅隔籬，真係唔講唔知！到正式拍攝嗰陣，我一拎起支警棍就成支跣手飛咗出去，好似拍笑片一樣！」

Viann坦言明白當女警的辛勞：「嗰副裝備真係好重！大熱天時孭住行咇，真係好易中暑。好彩今次我拍嘅戲份，好多都喺報案室，唔係都擔心捱唔住！」

養身隨時造人

雖然這次是婚後首次接劇，但老公沒有管接管送，Viann笑言可能要懷孕後，老公才會如此好「服務」，至於現在是否打算造人？她說：「係呀！隨時都可以o架喇，依家都有食定啲補品補身，希望生嘅時候，我同BB都會好啲。」

Viann近期雖然忙於工作，但依然繼續進修，她正於中文大學太空與地球訊息科學研究所修讀博士課程，並正利用人造衞星監察珊瑚的情況，認真好學！