JJ冇花「賈」忍痛拍劇望觀眾認同

賈曉晨外表柔弱，不過性格相當硬淨，即使早前拍劇被紅火蟻咬得又痕又痛，都以拍劇為先，不願看醫生！因為她認為努力工作、堅持自我，讓觀眾接受才最重要！

盡得宅男歡心的賈曉晨（JJ），近年事業發展愈來愈順暢，今年更不斷劇接劇，曝光率甚高！不過JJ對於今年的高產量表示純屬巧合：「其實上年同前年拍咗嘅劇咁啱都係今年出，所以先搞到劇接劇！不過無論如何都要繼續努力，令更多觀眾接受我！」

談到近日播放的無綫劇《怒火街頭2》，JJ回想拍攝過程可謂一額汗，因為她經歷過被紅火蟻咬的恐怖經歷：「戲中我係一名腳底按摩女郎，成日都會着住對拖鞋，有一次仲着住去荒山野嶺，結果就畀紅火蟻咬腳，嗰一晚真係痕到喊！之後我整爆個傷口等佢流啲膿出嚟，但結果唔係痕，而係痛！仲搞到行唔到路，不過因為不斷拍戲，所以忙到連醫院都冇時間去！」

喜歡劇中角色

雖然JJ拍《怒》劇有如此慘痛的回憶，不過她卻甚喜歡劇中飾演的角色：「我覺得佢有啲似我，因為佢都係唔理人點誤會，都會堅持做自己，而且佢都好有原則同愛心！（現實中畀人誤會都唔解釋？）我覺得解釋咁多都冇用！嚟咗香港咁多年，香港觀眾睇住我長大，佢哋都會知道我係一個點嘅人！」