恐傷及脊椎 Stephy趾公開刀

歌手鄧麗欣突然自爆入院動手術！原來受「拇趾外翻」腳患影響多年的她，一直強忍痛楚，為了治愈腳傷，她一口氣連推幾個Job，損失逾6位數字！

鄧麗欣（Stephy）昨午在微博留言「手術非常成功」！隨即上載一張鮮花及包裹腳部的照片，原來受腳患困擾多年的她前日入院開刀接受「拇趾外翻韌帶聯合術」，她表示之前走路都會痛楚及不適，醫生指情況嚴重，甚至影響脊椎，所以決定引刀一快。

一直忙個不停的Stephy趁這兩個月新戲未開，立即入院開刀，因為手術後至少要休息一個月，她說：「醫生叫我盡量少行路，呢個幾月都要戴護腳箍，就算着鞋都要揀啲專業鞋履。」由於未來一個月她不能穿高踭鞋或尖頭鞋，據知她推掉幾個活動，損失逾6位數字。

目前仍然留醫觀察的Stephy說：「都考慮咗好耐先決定做，依家科技先進咗，個手術大約30分鐘就搞掂。」她感謝姊妹們送她鮮花慰問，相信日內可以出院！問到男友方力申可有到醫院探望？Stephy經理人說：「唔知道。」昨晚掛風球，身在醫院度過的Stephy笑言很難忘。

余文樂患腸胃炎

另外，目前在北京工作的余文樂同樣患病，前晚患上腸胃炎，並漏夜上載病樣照，幸好昨日能如期出席當地護膚品牌活動，並稱身體已好了一點，但原定昨晚返港的他，又因打風關係被迫滯留北京機場。