孖杜汶澤謝票放笑彈祖兒體外受孕

英皇電影《DIVA華麗之後》昨日上映，容祖兒與杜汶澤親自到尖沙咀戲院謝票，祖兒笑言拍攝時間長，更自譽「體外受孕」，表示心血結晶終於出世。

樂壇天后容祖兒與身兼監製及演員的杜汶澤，昨晚在三號風球下到戲院謝票，現場座無虛席，祖兒對此感到很高興：「套戲由2010年開始拍花絮，經過演唱會到依家咁長時間，仔都生到兩個，感覺好似體外受孕咁！」而杜汶澤表示為了電影後期而足足看了不下百次，司儀即問有否看到作嘔，他幽默地說：「自己照鏡都照咗四十年，又唔見我嘔？」令全場爆笑！

祖兒表示今次為電影出盡全力，問到是否博攞獎時，她笑說：「係咪講吓唔使死先？希望問鼎啦！自己都覺得好勁，應該會有獎，等我拎定金像獎表格先！」祖兒又感謝杜汶澤，視對方為催化劑：「有場本來冇粗口，但佢突然爆粗，好有感覺，最後我都喊咗出嚟，令我演技得到提升。」

下廚益阿澤

問到兩人如何答謝觀眾支持，杜汶澤投訴因另一電影《低俗喜劇》大賣而被祖兒屈了一餐，故要祖兒請他食齋，祖兒亦大方答應：「唔使請佢食，煮埋畀佢食又點話，烚條菜就得啦！」雖然祖兒全晚心情大靚，但提到男友劉浩龍時，卻依然封口。另外，祖兒活動後將謝票相片上載微博，舒淇看後亦拍手讚好。