丁子高囝囝兩個月大識駁嘴
丁子高昨日出席活動時透露囝囝中文名是「丁進諾」，是找師傅改的：「進諾即係代表老婆為我進行咗生BB嘅承諾。」囝囝已兩個多月大，重13磅，早前有為囝囝擺滿月酒，會否搞百日宴則仍在考慮中，並稱與老婆楊千嬅近日跟囝囝說話時，囝囝已識得「o依o依呀呀」：「佢應該會愈嚟愈似千嬅，一樣好多嘢講，會駁嘴，第時可以同我鬥吓（嘴）。」問到何時追多個？他說：「梗係想生個女，不過都冇乜所謂，過多年幾先，等哥哥識得照顧妹妹先，同埋千嬅出嚟做吓嘢先。」對於千嬅被指產後肥了，他謂千嬅不會為此生氣：「生完BB嘛！佢依家收咗啲水喇！佢一向都靚，依家仲靚。」他表示千嬅有做運動和找營養師減肥，還要減約20磅。
丁子高夾在大隻仔梁烈唯及王浩信中間舉啞鈴，相形見絀！