愛屋及烏攬「奶奶」護親友
憶蓮與Jun的年紀雖然相差11年，但這段姊弟戀早獲Jun全家睇好，昨日二人抵達機場時，疑似Jun媽及數名親友早已等候，準備一同飛往台灣支持憶蓮。憶蓮上前擁着疑似Jun媽打招呼，再逐一與其餘親友抱抱，明顯非常熟落。
心情勁靚的憶蓮對鏡頭並不抗拒，問到是否出發開騷，她說：「係呀！」但問到是否公開戀情，以及送甚麼生日禮物給男友？她只笑笑口未有回應。當Jun在商務櫃位Check-in時，憶蓮為免男友家人被攝入鏡，主動上前叫記者不要拍照，愛屋及烏！反而開心晒幸福的Jun，不時對鏡頭扮鬼臉，完全陶醉在戀愛中！
