票房撼低偉仔 阿澤：攞我嚟較飛
身兼《DIVA華麗之後》監製及男主角的杜汶澤，昨日戴着金錶亮相，祖兒亦大讚：「佢低俗又得，華麗又得，想叨佢光票房咁好！」阿澤則笑說：「呢隻錶係之前『當』剩嘅最後一隻，十幾年前拍廣告買落！王晶教落要開心做人，依家戒咗大使，揸日本車、住元朗，咁先快樂！」
另外，提到《低俗喜劇》的香港票房撼低梁朝偉的《聽風者》，阿澤自嘲說：「咁講即係攞我嚟較飛啫！我一世嘅成就都唔會大得過梁朝偉！我套戲內地冇上，佢套戲內地已經收逾億！」《低》片上映1周累積票房已逾1千萬元，阿澤日前與導演彭浩翔等出席慶功宴時透露，老闆承諾只要票房逾千萬元就請台前幕後去旅行！雖然票房理想，不過彭浩翔指未必拍續集。而彭浩翔昨日在微博叫大家「執定行李」，看來請去旅行成事。
阿澤近期當旺，難怪他手舞足蹈啦！