人妻講鹹Gag 伍姑娘情挑「集郵傑」公然講舔功

蔡一傑前晚錄影節目時，笑言要「集郵」儲好友伍詠薇的玉照，怎知她竟笑說：「郵票要舔o架！」

藝員伍詠薇（伍姑娘）、梁烈唯、名模周汶錡及藝人鄭丹瑞前晚錄影無綫節目《環球世界明星賽》。人妻伍姑娘與草蜢成員蔡一傑（傑仔）向來老友，互稱「愛人」，台前台後多番錫錫！在擺甫士環節，傑仔笑言要「集郵」儲伍姑娘的相，伍姑娘說：「你收集真人啦！」蔡一智插口：「未見過咁大張郵票！」伍姑娘竟笑說：「郵票要舔o架！呢啲唔出得街！」意淫到爆！

周汶錡生B有保留

至於盛傳下月出嫁的周汶錡，身穿紅裙亮相，十分醒神！不過鄭丹瑞笑言代表男人說：「你諗清楚先好嫁！」問到婚禮籌備得如何？周汶錡說：「冇Plan，未知，贏到機票或者順便去度蜜月！（下個月結婚？）去唔去到度蜜月睇今次！（生BB？）未知，發生咗先講！」

對於好友周汶錡快將神秘出嫁，伍姑娘說：「平時飯局有分享開心嘢，佢唔同你哋分享啫！佢睇落好似有公主病，其實好堅強，佢男友仲好靚仔添！」對於有傳陳山聰結婚，伍姑娘則說：「冇聯絡！係咪傳咋？結婚係喜事，無論識唔識都會恭喜！」而梁烈唯拿起玩具槍玩遊戲時「跌彈」，他笑說：「跌『輪』咗！」