阿佘懶理嘉穎翻撻周麗淇
近日鄭嘉穎成為大紅人，除盛傳翻撻舊愛周麗淇外，同時又因拍劇與苟芸慧戀上，對於兩女同時爭做嘉穎嫂一事，曾與嘉穎傳出緋聞的佘詩曼，前晚出席活動時表示冇留意新聞，但承認與嘉穎仍有聯絡，她說：「同佢都有聯絡。（有冇八卦佢嘅感情事？）我係都搞好自己先，仲八卦人哋啲嘢咩！（傳周麗淇同佢翻撻？）我唔回應。（怕唔怕會傳埋你？）報紙寫乜一向都控制唔到。（有冇機會復合？）要問個天，我都唔知，我依家好開心，好滿意依家嘅狀況。（感情狀況點？）仲係單身。（有冇追求者？）OK，依家好開心。（追求者係內地人定香港人？）係男士。」至於工作方面，她指與無綫有部頭約，但亦可拍外地劇，亦沒有接觸王維基。對於苟芸慧與周麗淇爭做「嘉穎」嫂 ，鄭嘉穎接受內地傳媒訪問時澄清，笑指自己沒這麼厲害：「如果真的有感情穩定的對象時會選擇公開。」
佘詩曼坦言仍有與鄭嘉穎聯絡。