Kenny G離婚「馬交吳佩慈」爆料認上過床

美國殿堂色士風樂手Kenny G上周四正式入紙離婚，原來Kenny一直暗交模「馬交吳佩慈」Elaine Wong！繼去年Kenny狂發情慾短訊兼相約夜蒲後，Elaine大爆早知Kenny離婚及曾在兩年前爆發「性戰」！

飲譽全球的美國殿堂色士風樂手Kenny G與妻子Lyndie Bendon-Gorelick結婚20年，育有兩名兒子，可是有傳Kenny G因經常作全球性巡迴演奏會，與Lyndie聚少離多，所以一直存在婚姻危機。直到今年1月Kenny G的太太申請分居，Kenny G則於上周四正式入紙申請離婚，離婚文件指他們以不能挽回分歧為理由提出分手，結束長達20年的婚姻。

5月深圳談心

現年56歲的Kenny G離婚一身輕，他去年曾被踢爆與25歲、來自澳門的模Elaine Wong互發情慾短訊，二人不但相約夜蒲，Kenny G更邀對方上房欣賞其色士風吹奏。5月中旬，Kenny G到深圳開演奏會時，二人不但上酒店房把酒談心，年逾半百的Kenny G還有心有力赤裸上身，二人趁有空一起做Spa，真係識歎到暈！昨日記者致電Elaine，對於Kenny G離婚，她表示對好友離婚一事早已知情，更血淋淋大爆與對方有過情慾關係。

一早知道離婚

記者：記　Elaine Wong：Elaine

記：知唔知Kenny G同太太離婚？

Elaine：知呀！佢同我講已經搞離婚一段時間，佢話同老婆咁多年都有問題，只係因為有小朋友所以一直拖住，依家離咗婚咪輕鬆晒囉！

記：佢幾時同你講離婚？

Elaine：3個月前囉！其實我哋一直有Keep住聯絡，尋晚（前晚）仲有WhatsApp。

記：Kenny G離婚，怕唔怕畀人話你介入？

Elaine：唔怕！成日都有人講呢啲嘢啦！佢係老外成日出去飲嘢都唔Mind，我又點會Mind呢？我哋真係識咗好耐！

記：咁你哋會唔會有進一步發展？

Elaine：只可以講來往密咗！

記：你依家同佢係乜嘢關係？

Elaine：唔知點講，有啲曖昧，有攬有錫，不過冇正式一齊！佢叫過我去美國陪佢，又叫我陪佢去巡迴演唱會，但係叫我要同佢飛印尼、韓國、日本喎！我點去呀？其實有嘢就有咗好耐啦！

記：你同Kenny G有冇性關係？

Elaine：都係兩、三年前嘅事，當時佢仲有老婆，唔想影響佢婚姻，所以冇再咁！

此外，雖然Kenny G被離婚一事困擾，但其新專輯《Namaste》仍打入流行爵士榜頭20位，足證他在樂壇仍屹立不倒。

56歲殿堂級樂手Profile

姓名：Kenny G　　　　　　　

年齡：56歲

美國殿堂級色士風樂手Kenny G於10歲開始吹色士風及公開表演，1982年以個人樂手出道，先後與莎蓮迪安及雲妮侯斯頓等合作，1997年以色士風吹奏最長音符打入健力士世界紀錄，於2004年獲格林美最佳純音樂作曲獎，在亞洲同樣聲名大噪。

25歲o靚模Profile

姓名：Elaine Wong

外號：馬交吳佩慈

年齡：25歲

三圍：33D、25、35

來自澳門的Elaine任兼職模特兒，前年參加《HKModelhouse》模特兒比賽奪「最佳才藝獎」，簽約加盟現公司。因貌似台灣女星吳佩慈，被封「馬交吳佩慈」，以大膽言行見稱，去年推出3D寫真，打扮性感、甫士大膽，並在紫荊廣場大派壯陽藥！