學友回春撐太極
樂隊太極前晚在紅館開騷，一班老友張學友、林子祥、周啟生及不同年代的Band Sound包括Blue Jeans、雷頌德及Mr.等齊齊拿着十多支結他一齊Jam歌合唱《紅色跑車》。赤裸上身的周啟生出場笑言被朋友笑乸型，並剖白性取向：「我唔係基嘅！」他又爆雷有輝是昔日樂壇「鎅女王」，完騷後雷有輝笑說：「佢講笑啫！（怕唔怕老婆詐型？）老婆已經係老婆啦！最後勝利者。」而學友以壓軸嘉賓身份出場，戴帽及穿短褲的他，變得青春，他搞笑地說：「我好耐冇同太極合唱，幾乎認唔到蛇仔（盛旦華）。」久未露面的樂隊Blue Jeans成員黃良昇仍是一把長鬈髮，造型廿年不變。
學友以一身青春打扮壓軸登場，開心到跳起。
半裸周啟生大爆雷有輝是「鎅女王」。
太極、Blue Jeans及及Mr.等齊齊在台上Jam歌。