鄭希怡留長髮遮5吋疤

英皇歌手鄭希怡（Yumiko）六月底在泰國布吉失足墮崖，經過約兩個月休養後，她昨日首度復工現身海洋公園出席保護鯊魚活動，並交代近況：「之前喺布吉做咗固定頸椎手術，鑲咗四粒螺絲喺入面，不過醫生都話我康復得快！」不過，她頸背明顯留有一道疤痕，約長五吋。提到剛答應化妝師男友Andy求婚，她說：「做新娘要靚啲，要留番長頭髮遮住先結婚！（幾時？）預計都係明年年中後，籌備方面我會問朋友意見！」Yumiko又甜蜜地說：「多謝佢喺我人生最唔靚同最冇用時娶我！跌一跌，賺咗個老公返嚟！」她更透露擺酒時會以粉絲代魚翅。

Yumiko復工出席活動，展示頸背上長長的疤痕。