楊汀叮美甲靠「水溝油」
o靚模楊汀叮除了是愛狗之人外，亦是愛指甲油之人，她表示初入行時並不愛塗甲油，因覺得很麻煩：「尤其係Gel甲，唔單止要成日整，仲要每次整親都個幾鐘，好悶！」
由於不愛假手於人，汀叮索性自己一手一腳塗，為了緊貼潮流，她更經常上網搜羅最新甲油資料：「最近好興水溝指甲油，主要係玩顏色，啱晒我呢啲懶人。方法係準備一杯水，然後滴五滴唔同顏色嘅指甲油落去，再將指甲浸落去，咁啲甲油就會自行形成唔同嘅Pattern，都幾靚o架！」
汀叮透露現時收藏了逾百支甲油，價錢由十五元至百多元不等，絕對是豐儉由人：「其實唔一定貴就係好，之前託朋友買咗隻今年好興嘅立體珠珠彩色甲油，都係幾十蚊咋！」
汀叮大騷手上的甲油，非常搶鏡！
汀叮將其擁有的逾百支甲油大晒冷。