陳嘉桓「破戒」 迷暈道士

陳嘉桓（Rose）昨日出席道教活動時吸引不少道士爭相合照，場面一度混亂。本身信奉基督的她奉旨扮天后娘娘，坦言一切以工作行先，可謂百無禁忌。

昨晨Rose與師兄杜宇航到維園參與《香港道教界慶祝香港回歸祖國十五周年香港廟會》活動。她以天后娘娘打扮現身，並坐轎由四人抬出場，認真巴閉！活動後兩人接受訪問，有道士行近Rose身邊要求合照，令訪問多番被中斷，令兩人有點靦腆！Rose不諱言身上的造型勾起了不少兒時的點滴：「細個時我住元朗，嗰度都有太平清醮，好鍾意睇飄色。」至於扮演關羽的杜宇航未有將整張臉塗紅，被Rose取笑是「潮版關公」！

基督徒扮天后娘娘

當被問到有否事前齋戒，Rose有口難言，問到是否與本身的宗教信仰有所牴觸？她尷尬地說：「唔好講啦！（信天主教定基督教？）唔講啦！信仰係同屋企人有關，依家做嘢都好少返到教會。（驚畀人話你拜偶像？）冇諗咁多，總之工作行先啦！」身旁的杜宇航即幫口解圍：「出席呢啲活動，可以了解多啲唔同嘅宗教文化嘛！」

談到未來的工作，Rose透露暫以出席活動為主，至於經理人公司開拍的新戲《葉問─終極一戰》，演員名單卻未見其名字，她說：「因為今次未有啱嘅角色，所以我同師兄都唔會演。」